Stampa
Categoria: UNIONE INTEMELIA
Visite: 3276
Stella inattivaStella inattivaStella inattivaStella inattivaStella inattiva
 

 

 

   LA  VOCE  INTEMELIA

 

IL FONDO

dicembre 2019

di Ovidio Bosio

====================== 

 

U DEINÀ D’U GATU

  

 

Deinà a l'è a festa d’i figliörin

e alura inscì chela d’i gatin

che i l'àn i barbixi ma a tüti i efeti

i sun figli ma i nu’ l'àn i difeti

      de esse sempre lì a scode

      e asciamasse pe cume i van e scöre.

      U veru gatolicu credente

      se u l'è in francu praticante

      u penserà de festezà u pecin perusu

      che iuta famiglia u l'è ben füsu:

ina dugia dose de crucantin

sece â seira che â matin,

in survaciü de purpetine

e in aumentu de muine.

      U discursu u scangia se u Deinà miramu

      dau bassu u cunscideramu

      chelu d’u gatu u puntu de vista

      ch’u nu’ l'è numà d’a sou testa.

Elu u l'à u benefiçiu d’u mangià

che insci’a toura cuntügna a passà

de carne e de pesci in abundança

e che nurmalmente pe’ elu i l'avança.

      L'arburu u l'è cume in parcu zöghi

      ma sensa rati da scure pe’ i löghi

      ma u lu fà zügà cu’e balete

      che i finisce in tanti tocheti.

I festui i paresce fai pe’ cincià

cume Tarzan de chì e de là

e l'aveu ciavirà longu in terra

tantu u nu’ l'eira granchè, l'è vera.

      L'è belu pe’ u Presepiu poi zirà

      e insci’u bordu cu’e pate pussà

      e lançà cuscì insci’u pavimentu:

      pastui, Gelindu, l'ase int'in mumentu.

I föghi e i crepi pocu i piaixe

e u preferisce a carma, u lüssu, a paixe.

Pe’ furtüna l'inütile agitaçiun

a düra pocu e a nurmalità returna ugnün.

      "Menu male che e feste i se ne van

      e dae pate se levàmu parenti e can"

      E u gatu, psicolugu de a sou ca’

      in brassu au bipede u se ne và.