Ancöi l'è
Stella inattivaStella inattivaStella inattivaStella inattivaStella inattiva
 

 

 

   LA  VOCE  INTEMELIA

 

IL FONDO

aprile 2019

di Ovidio Bosio

====================== 

 

 PASCHETA Â MADONA

 

 

Me augüru de muntà â Madona

pe’ caiche anu ancu’cun a gamba bona

e arivà fina â geixeta

a pei e nu’ cu’a naveta,

      e speru insci che s'inscuntramu

      ancu’ cun cheli de l'autr’anu.

      I intemelii i munta pe’ a sou Messa

      aspeitanduse che a sece ancura a stessa.

Ma durante a celebraçiun i nu’ l’atröva

spece se avù gh'è caicosa növa.

I ventemigliusi i sun girusi

d’ê custiimance, d’i sou Usi:

      ma i l'an levau a predica in dialetu

      che a tradiciun a vureva fusse dita

      (cose u dirà don Palmero de delà

      de sente eliminati u sou parlà?)

che a ne tucava fina in fundu au cö

duve l'itaglian pe’ contru u nu’ ne pö.

Gh'è deferensa da chele ch’i sun dite

e autre dumeneghe in po' dapertiitu?

      Duve è feniu chi insci’a porta u vendeva

      cubaite e culane de nincöre u l'ufriva?

      Da chì a in po’ i mouri i l'ariveran

      cun i braceleti e relöri int’ê man.

pe’ nu’ scuntrà a sou sensibilità

a eli, ch’i l'adura i aiatullah.

u cruxifissu i leveran veixin â mitraglia.

in ferru,fóra au sù e a l'aigaglia

      duve inseme famu a futugrafia

      suta au gunfalun d’a Cumpagnia

      cun in faturisu e in armunia

      avanti de inandiasse e andà via.

Cuscì capita zà int'e caiche scura

pe’ u Presepiu e u Cristu fin d'avura.

Nu’ gh'è sareva ren da stiipisse

se da in mumentu a l'autru u capitesse.

      Duman de ‘stu passu menu saremu

     d'e vuxe in capitulu nu n'averemu.

      De ventemigliusu nu' ne resterà gairi

      d’ê cose lasciae da i nosci pairi.

L'amù pe’ a tradiçiun u s'aluntana

e u dì de pascheta te salüu Madona.